തിരുവനന്തപുരം: എംജി സർവകലാശാലയുടെ താത്കാലിക വൈസ് ചാൻസലറായി കുസാറ്റ് മാനേജ്മെന്റ് സ്റ്റഡീസ് പ്രഫ. ഡോ. ഡി. മാവൂത്തിന് ചുമതല നൽകികൊണ്ട് ഗവർണർ ഉത്തരവിട്ടു. എംജി വിസിയായിരുന്ന ഡോ. സി.ടി.അരവിന്ദ് കുമാർ വിരമിച്ച ഒഴിവിലേക്കാണ് താത്കാലിക നിയമനം.
കേരള സർവകലാശാലയിലെയും കുസാറ്റിലെയും മാനേജ്മെന്റ് സ്റ്റഡീസ് ഡീൻ ആണ് മാവൂത്ത്. മധുര കാമരാജ് യൂണിവേഴ്സിറ്റിയിൽനിന്ന് എംബിഎ ബിരുദം നേടിയ തമിഴ്നാട് സ്വദേശിയായ മാവൂത്ത് കുസാറ്റിൽ നിന്നാണ് പിഎച്ച്ഡി നേടിയത്. ബിജെപി അനുകൂല അധ്യാപകസംഘടനിയിലെ അംഗമാണ് മാവൂത്ത്.
താത്കാലിക വൈസ് ചാൻസലർ നിയമനത്തിനായി ചാൻസലർ കൂടിയായ ഗവർണർ സർക്കാരിൽനിന്നും പാനൽ ഒന്നും ആവശ്യപ്പെട്ടിരുന്നില്ലെന്നും അതിനാൽ പാനൽ നല്കിയിട്ടില്ലെന്നും ഉന്നതവിദ്യാഭ്യാസ മന്ത്രി റോജി എം. ജോണ് പറഞ്ഞു.